Vinculación Curricular

LOMLOE.

Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación.

Preámbulo.

“Ás materias establecidas con carácter obrigatorio, engádese a posibilidade de ofrecer materias optativas, coa novidade de que poidan configurarse como un traballo monográfico ou un proxecto de colaboración cun servizo á comunidade. Nun dos cursos da etapa, todo o alumnado cursará a Educación en Valores cívicos e éticos, que prestará especial atención á reflexión ética e incluirá contidos referidos (…) á educación para o desenvolvemento sustentable e a cidadanía mundial, (…) fomentando o espírito crítico e a cultura de paz e non violencia.”

Artigo 22. Fins.

“A finalidade da Educación secundaria consiste en lograr que os alumnos e alumnas adquiran os elementos básicos da cultura, especialmente nos seus aspectos humanístico, artístico, científico-tecnolóxico e motriz; desenvolver e consolidar neles os hábitos de estudo e de traballo; así como hábitos de vida saudables, preparándoos para a súa incorporación a estudos posteriores, para a súa inserción laboral e formándoos para o exercicio dos seus dereitos e obrigacións da vida como cidadáns.”

“Así mesmo, poñerase especial atención na potenciación da aprendizaxe de carácter significativo para o desenvolvemento das competencias que promovan a autonomía e a reflexión”.
Artigo 25. Organización do cuarto curso da educación secundaria obrigatoria.

6. “Sen prexuízo do seu tratamento específico, a comprensión lectora, a expresión oral e escrita, a comunicación audiovisual, a competencia dixital, o emprendemento social e empresarial, o fomento do espírito crítico e científico, a educación emocional e en valores, a igualdade de xénero e a creatividade traballaranse en todas as materias. En todo caso, fomentaranse de maneira transversal a (…) formación estética, a educación para a sustentabilidade e o respecto mutuo e a cooperación entre iguais.”

7. Nalgún curso da etapa todos os alumnos e alumnas cursarán a materia de Educación en Valores cívicos e éticos. Nesta materia, que prestará especial atención á reflexión ética, incluiranse contidos referidos (…) á educación para o desenvolvemento sustentable e a cidadanía mundial, (…) fomentando o espírito crítico e a cultura de paz e non violencia.”